Həyata Baxışını Dəyişən Həqiqətlər

Stress insan beyninin təhlükə və ya təzyiq qarşısında verdiyi təbii reaksiyadır. Lakin psixologiyada qəbul edilir ki, stressin özü deyil, ona verdiyimiz reaksiya həyat keyfiyyətimizi daha çox müəyyənləşdirir.

Hər problemi həyatın sonu kimi qəbul etmək əvəzinə, vəziyyəti olduğu kimi qiymətləndirmək, nəzarət edə bildiyimiz məsələlərə diqqət yönəltmək və həll yolları axtarmaq daha sağlam yanaşmadır.

Daim keçmişə peşman olmaq və ya gələcək barədə həddindən artıq narahat olmaq isə stressi daha da artırır.

Həyatın dəyərini dərk etmək, hər yeni günü bir fürsət kimi qəbul etmək, özünə istirahət vaxtı ayırmaq, yaxın insanlarla ünsiyyətdə olmaq və müsbət düşüncə tərzini inkişaf etdirmək psixoloji dayanıqlılığı gücləndirən əsas amillərdəndir.

Unutma: Stress həyatın bir hissəsidir, amma həyatın özü stressdən qat-qat dəyərlidir. Düşüncə tərzini dəyişmək, həyat keyfiyyətini dəyişməyin ilk addımıdır.
Müəllif: yazıçı və şəxsi inkişaf məsləhətçisi – Məhəmməd Kərimov