“XXI ƏSRİN ZİYALILARI ZİRVƏSİ” – ZİYALILIQ, TƏHSİL VƏ MƏNƏVİ DƏYƏRLƏR ƏTRAFINDA BİRLƏŞƏN GÖRÜŞ

8 oktyabr 2026-cı il tarixində Azərbaycan ziyalıları, müəllimlər, təhsil və ictimaiyyət nümayəndələrinin iştirakı ilə “XXI Əsrin Ziyalıları Zirvəsi” adlı möhtəşəm görüş keçirilib.

Əlamətdar tədbir Misir Ərəb Respublikasının Azərbaycandakı Səfirliyinin Təhsil və Mədəniyyət Mərkəzində təşkil olunub. Görüş öz əhatə dairəsi, iştirakçıların müxtəlifliyi və səsləndirilən fikir və müzakirələrin məzmunu baxımından xüsusi əhəmiyyət daşıyıb.

“XXI Əsrin Ziyalıları Zirvəsi” müasir dövrdə ziyalılıq anlayışının mahiyyətinə, müəllim və təhsil işçilərinin cəmiyyətdəki roluna, elm və təhsilin inkişafına, milli-mənəvi dəyərlərin qorunmasına və gələcək nəsillərin düzgün istiqamətləndirilməsinə diqqət çəkən mühüm görüş kimi yadda qalıb.

Zirvədə müxtəlif sahələri təmsil edən ziyalılar, müəllimlər, təhsil rəhbərləri, ictimai xadimlər və öz fəaliyyəti ilə cəmiyyətə töhfə verən şəxslər iştirak ediblər.

Fərqli peşə və fəaliyyət istiqamətlərinin təmsil olunduğu görüşdə əsas diqqət insan kapitalının inkişafı, maarifçilik, təhsilin cəmiyyətin gələcəyində rolu və ziyalının üzərinə düşən məsuliyyət kimi mühüm məsələlərə yönəlib.

Tədbirin keçirildiyi Misir Ərəb Respublikasının Azərbaycandakı Səfirliyinin Təhsil və Mədəniyyət Mərkəzi də görüşün məzmununa xüsusi mahiyyət qazandırıb. Təhsil və mədəniyyətin inkişafına xidmət edən belə bir məkanda ziyalıların və müəllimlərin bir araya gəlməsi elmə, biliyə və mədəni dəyərlərə verilən yüksək qiymətin göstəricisi kimi diqqət çəkib.

Görüş zamanı 5 Oktyabr – Beynəlxalq Müəllimlər Günü münasibətilə müəllimlər də təbrik olunub. Cəmiyyətin formalaşmasında, savadlı və düşünən nəslin yetişdirilməsində əvəzsiz rola malik olan müəllimlərin əməyinə verilən dəyər xüsusi vurğulanıb.

Müəllimlik yalnız bilik ötürmək deyil, eyni zamanda şəxsiyyət yetişdirmək, gələcəyə istiqamət vermək və cəmiyyətin mənəvi-intellektual inkişafına xidmət etmək kimi yüksək məsuliyyət daşıyan bir peşə kimi qeyd olunub.

“XXI Əsrin Ziyalıları Zirvəsi” çərçivəsində bir araya gələn iştirakçıların hər biri öz fəaliyyəti, təcrübəsi və dünyagörüşü ilə görüşün ümumi məzmununa dəyər qatıb. Qarşılıqlı fikir mübadiləsi, səmimi və eyni zamanda ciddi müzakirələr ziyalılar arasında əlaqələrin daha da möhkəmləndirilməsi baxımından əhəmiyyətli olub.

Bu görüş bir daha göstərdi ki, cəmiyyətin inkişafında ziyalı düşüncəsinin, müəllim əməyinin və təhsilə verilən dəyərin xüsusi yeri vardır. Ziyalı cəmiyyətin yalnız bu gününü deyil, sabahını da düşünən, bilik və təcrübəsini gələcək nəsillərə ötürən, sosial məsuliyyəti ilə seçilən şəxsdir.

Müasir dünyada sürətlə dəyişən proseslər fonunda belə insanların bir araya gəlməsi, fikir və təcrübələrini bölüşməsi olduqca vacibdir.

“XXI Əsrin Ziyalıları Zirvəsi” də məhz bu baxımdan xüsusi məna daşıdı. Burada müxtəlif baxışların, fərqli təcrübələrin və ortaq dəyərlərin bir araya gəlməsi ziyalılığın cəmiyyət üçün daşıdığı əhəmiyyəti bir daha nümayiş etdirdi.

Tədbirin əsas qayəsi yalnız bir görüş keçirmək deyil, elmə, təhsilə, maarifçiliyə, müəllim əməyinə və milli-mənəvi dəyərlərə verilən önəmi daha geniş şəkildə ifadə etmək baxımından da əhəmiyyətli oldu.

Bu günün ziyalısı qarşısında böyük və məsuliyyətli vəzifələr dayanır. O, yalnız öz sahəsində peşəkar olmaqla kifayətlənmir, cəmiyyətin inkişafına münasibət bildirir, gənc nəslin dünyagörüşünün formalaşmasına təsir göstərir, bilik və təcrübəsi ilə gələcəyin qurulmasına töhfə verir. Məhz buna görə də belə görüşlər cəmiyyətin intellektual potensialının üzə çıxarılması və dəyərli insanların bir araya gətirilməsi baxımından xüsusi əhəmiyyət daşıyır.

8 oktyabr 2026-cı ildə keçirilən “XXI Əsrin Ziyalıları Zirvəsi” iştirakçıların yaddaşında fikir, həmrəylik, qarşılıqlı hörmət və yüksək mənəvi dəyərlərlə səciyyələnən əlamətdar görüş kimi qaldı.

Bu zirvə bir daha nümayiş etdirdi ki, gələcəyin gücü savadda, təhsildə, müəllim əməyində və cəmiyyət qarşısında məsuliyyət hissi daşıyan ziyalı düşüncəsindədir.

Sonda isə bu tədbirin ərsəyə gəlməsində böyük əməyi olan Misir Ərəb Respublikasının Azərbaycandakı Təhsil və Mədəniyyət Mərkəzinin rəhbərliyi və nümayəndə heyətinə, Dünya Afşarlar Dərnəyinin Azərbaycan təmsilçisi, “Üfüq” Platformasının təsisçisi və rəhbəri Pərvanə Salmanqızı Abdullayevaya və Təhsil Tədris Mərkəzinin təsisçisi və rəhbəri, “Üfüq” platformasının icraçı direktoru, təhsil eksperti Rəvanə Hüseynovaya dərin təşəkürümüzü və minnətdarlığımızı bildiririk!

“XXI Əsrin Ziyalıları Zirvəsi” – biliyin, ziyalılığın, müəllim əməyinin və gələcəyə məsuliyyətli baxışın ucaldığı əlamətdar görüş.

Müəllif: Nərgiz Mirzəyeva

Fotoqraf: Mahir Əhmədov