Şəhidlər ölməz, Vətən bölünməz!

2022-ci il sentyabr ayının 12-dən 13-nə keçən gecə Ermənistan silahlı qüvvələrinin Azərbaycan-Ermənistan dövlət sərhədində törətdiyi genişmiqyaslı təxribatlar xalqımızın yaddaşına qanlı bir səhifə kimi yazıldı. Daşkəsən, Kəlbəcər, Laçın və Zəngilan istiqamətlərində baş verən bu təxribat zamanı igid oğullarımız Vətənimizin bütövlüyü naminə canlarını fəda etdilər.

Onlardan biri də Azərbaycan Ordusunun mərd hərbi qulluqçusu, qəhrəman şəhidimiz Fətullayev Rafail Rüfət oğlu oldu. O, Kəlbəcər rayonunun Alagöllər ərazisində düşmənə qarşı döyüşərək igidliklə şəhidlik zirvəsinə ucaldı.

Azərbaycan Ordusunun igid oğulları düşmən hücumunu dəf edərək, qəhrəmanlıqla döyüşdülər. Bu ağır günlərdə xalqımız bir daha gördü ki, Vətən torpaqlarını qoruyan əsgərlərimiz daim ayıq-sayıqdır və hər an canını fəda etməyə hazırdır.

Məhz həmin döyüşlərin ən qürurlu simalarından biri Fətullayev Rafail Rüfət oğlu oldu. O, Kəlbəcər rayonu Alagöllər istiqamətində düşmən hücumlarının qarşısını alarkən canını Vətən yolunda fəda etdi. Rafailin şəhidliyi təkcə ailəsinin deyil, bütün Azərbaycanın dərdi və eyni zamanda qüruru oldu.

“Sənin igidliyin Vətən torpağının hər qarışına yazıldı, Rafail!”

“Şəhidlərimizin ruhu bizim azadlığımızın işığıdır.”

“Vətən yolunda can verən hər şəhidin adı xalqın vicdanında əbədi yaşayır.”

“Qəhrəman şəhidimiz Rafail, Sənin ölməz adın nəsillərə vətənpərvərlik məktəbi olacaq. Qoy ruhun cənnətdə qərar tapsın, məkanın nurla dolsun. Azərbaycan xalqı Səninlə qürur duyur!”

14 sentyabr 2022-ci ildə doğma yurdu Neftçalada torpağa tapşırılan Rafailin məzarı bu gün həm ailəsi, həm də bütün xalqımız üçün müqəddəs ziyarət yerinə çevrilib. Onun həyat yolu, igidliyi və şəhidlik məqamı tariximizin unudulmaz səhifəsidir.

Azərbaycan Respublikası Prezidenti cənab İlham Əliyevin 05 noyabr 2022-ci il tarixli Sərəncamına əsasən, şəhidimiz ölümündən sonra 3-cü dərəcəli “Vətənə xidmətə görə” ordeni və “Vətən uğrunda” medalı ilə təltif edilmişdir.

Bu ali mükafatlar Rafailin Vətən qarşısında göstərdiyi şücaətin dövlət səviyyəsində qiymətləndirilməsidir. Lakin onun ən böyük mükafatı xalqın yaddaşında əbədiyaşarlığı, ruhunun ucalığı və şəhidlik zirvəsidir.

Şəhidimizin ailəsinə, əzizlərinə Allahdan səbr diləyirik. Qəhrəmanlarımızın qanı ilə suvarılan bu torpaq hər zaman müqəddəs olacaq.

“Şəhidlik ən uca məqamdır, çünki o məqamda insan torpaqla deyil, ruhla bütövləşir.”

“Vətən yolunda canını fəda edən şəhidlər ölməz, onların adı min illər boyu nəsillərin dilində yaşayır.”

“Ana Vətənin sinəsində uyuyan hər bir şəhid torpağın deyil, millətin övladı olur.”

“Şəhidlərimizin ruhu bu torpağın üzərində əsən hər küləkdə, açan hər çiçəkdə, doğan hər günəşdə yaşayır.”

“Qəhrəman şəhidimiz Rafailin adı Azərbaycan tarixində qızıl hərflərlə yazıldı. Onun ruhu hər zaman xalqımızın azadlıq və qürur yolunu işıqlandıracaq. Allah bütün şəhidlərimizə rəhmət eləsin, ruhları qarşısında baş əyirik.”

İmza:Pərvanə Salmanqızı.