Qar adam

Ovuc-ovuc topladıqca
Bəhlul balam yumşaq qarı,
Elə bil ki, seyr edirəm
Şirə çəkən arıları.

Qardan adam düzəltdikcə
Ürəyinə sevinc doldu.
Bayaqkı o çılpaq budaq
Ağac deyil, indi qoldu.

Çöldə qoyub evə getmir
Fikirləşir: “üşüyəcək”.
Öz əlindən çıxarıb o,
Qar adama taxır əlcək.

“Ocaq qala, ata” – deyir
“Qoy bu adam üşüməsin”
Bu mərhəmət istisində
Yavaş-yavaş qar əriyir.

Kaş əriyib qartək bir gün
Pislik getsin yer üzündən.
Uşaq qəlbi çox böyükdür
Elə dünyanın özündən.

Müəllif: PƏRVANƏ BAYRAMQIZI

PƏRVANƏ BAYRAMQIZININ YAZILARI

Pərvanə Bayramqızı digər mənbələrdə

DAHA ÇOX XƏBƏR – ŞEİR BURADA

Oxuyun >> Gözündə tük var

Zaur Ustacın şeirləri haqqında

YAZARLAR.AZ

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<I