Pərvərdigar yazan, payımsan halal
Pərvərdigar yazan, payımsan halal
Bütün sınaqları qoyub geridə,
Sonunda bəxtimiz tapıbdır kamal,
Varını sevirəm, yoxunla qoşub,
Pərvərdigar yazan, payımsan halal.
Qovuşdu yolumuz təqdir yolunda,
Məhəbbət yoludur, ən gözəl bu hal,
Yarım ürəyimə bütöv girmisən,
Pərvərdigar yazan, payımsan halal.
Yandırsa qəlbimi eşqin cilvəsi,
Dözmüşəm hər şeyə, gəlməyir məlal,
Bu günüm, sabahım, ərköyünümsən,
Pərvərdigar yazan, payımsan halal.
Evlilik ilimiz doldu bir yaşa,
Çoxalsın bu illər, görməsin zaval,
Tək Ay nəsibidir məntək Günəşin,
Pərvərdigar yazan, payımsan halal.
–Tanrı qismətinə razısan? – deyə,
Atabəy Zahidə versələr sual,
Şükranə şeirimin əsl sahibi,
Pərvərdigar yazan, payımsan halal.
Müəllif: Atabəy Zahid(Otabek Zohid)
Orjinal variant:
Parvardigor bitgan, juftimsan, halol
Azərbaycan dilinə uyğunlaşdıran:
Oxuyun >> Gözündə tük var
Zaur Ustacın şeirləri haqqında