Aprel
(Melanxolik zümzümələr)

Seyfəddin Hüseynliyə

Aprel bir az nisandır,
Çünki hər şey sözdür, söz.
Yağış bir az leysandır,
Qaçanlar da təpəgöz.

Yağmur yuyur vitrini,
Hava palçıq qoxuyur.
Yaddaşımın çətrini
Onun ətri saxlayır.

Qafamda həmin sükut,
Yenə həmin avazdır.
Göy üzü tutqun bulud,
Əcaib bir qapazdır.

Susur mənasız hay-küy,
Peyzaj boş və sürüşkən.
Ya əruz, ya da hayku –
Fərq etməz – sanki rişxənd.

Heç nə məni ovutmur,
Küçəboyu gəzirəm.
Çölümdə paşa qürur,
İçim məğlub gizirəm.

Yağış durur, dayanır,
Küçə dolur adamla.
Ağaclar sırğalanır
Ağappaq, damla-damla.

Aprel bir az nisandır,
Çünki hər şey sözdür, söz.
Hamı bir az insandır:
Həm Basat, həm Təpəgöz.

Müəllif: Səlim BABULLAOĞLU

SƏLİM BABULLAOĞLUNUN YAZILARI

 

Sevil Azadqızı “Aprel”dən yazır

Seyfəddin Hüseynlinin yazıları

DAHA ÇOX YENİ MƏLUMAT

Oxuyun >> Gözündə tük var

Zaur Ustacın şeirləri haqqında

YAZARLAR.AZ

I>>>>>>BU HEKAYƏNİ MÜTLƏQ OXU<<<<<<I

I>>Mustafa Müseyiboğlu adına kitabxana<<I