Zaur Ustac – Qadan alım
QADAN ALIM
(QƏNDAB – QADAN ALIM)
Həsrəti uzaq tut, məni yaxın bil,
Min kərə demişəm, gül qadan alım.
Gözünü yumanda, Həcərül-Əsvəd,
Açanda boynumda hil, qadan alım.
Arzu qanadında uzəsən bu yaz,
Bar tutan qönçəni vurmasın ayaz,
Qulunun adını dəsmalına yaz,
Gözünün yaşını sil, qadan alım.
Uzağı yaxın et, “Gəl!” desən, gəlləm,
Ən acı kəlməni nabat, qənd billəm,
Sənintək gözəlin qoynunda ölləm,
Ustaca deginən: “Öl!”, qadan alım.
02.05.2026. Bakı.
Müəllif: Zaur USTAC
AYB və AJB-nin üzvü, “Yazarlar” jurnalının baş redaktoru, şair-publisist, tərcüməçi-nasir
Zaur Ustacın “Buta”sı haqqında
Oxuyun >> Gözündə tük var