“ŞƏHİD TƏBRİKİ”.

(Bütün Şəhidlərimizi,

Hörmətlə anırıq).

 

Gözü yolda

Qalan anam…

Bağışla, bu bayram

Təbrikə gələ bilmədim.

Silib göz yaşını,

Öpüb əlini…

Bu bayram,görüşünə

Gələ bilmədim.

Bilirəm,deyirsən

Açaydın qapımı.

Girəydin oğul!..

Bağışla məni,gələ bilmədim.

Dünyanı versələr

İstəmirəm mən,birçə kəlmə

Təbrikə gələydin oğul!

Söylə darıxırmı

Gül üzlü mələk?

Söylə uzaqlardan

Duyuram onu.

De ki,bağışlasın

Nur üzlü qızım.

Bu bayram

Təbrikə gələ bilmədim.

Ana,bacım deyir…

Dünyanın ən böyük,

İlahinin Hədiyyəsiymiş,

Mənim qardaşım?!

Deyirmi ömrümə,

Qənim qardaşım,

Bir quru nəfəsi,

Mənə bəs idi?!

Ağlamayın əzizlərim,

Yaraşmır qəm yaşı,

Şəhid adına!!!

Zəfəri hədiyyə,

Göndərdim sizə!!!

Pərvanə Salmanqızı.🇦🇿🇹🇷