Lənkəranda Vətən Müharibəsi Şəhidlərinin xanımları və ailə üzvləri ilə görüş keçirilib

Zefernews.az xəbər verir ki,
Təhsilin İnkişafı Fondunun təşəbbüsü və Lənkəran-Astara Regional Təhsil İdarəsinin təşkilatçılığı ilə Lənkəran şəhər Heydər Əliyev Mərkəzində Vətən müharibəsi şəhidlərinin xanımları və ailə üzvləri ilə görüş keçirilib.

Görüşün əsas mövzusu həm şəhid övladlarının təhsilinə, həm də şəhid xanımlarının təhsilin müxtəlif pillələrində təhsil almalarına dəstək göstərilməsi olub.

Görüşdə Şəhid ailələrinin məşğulluğu, cəmiyyətin sosial və iqtisadi həyatına daha sıx inteqrasiyası yollarına dair müzakirələr aparılıb. Sonda bununla bağlı şəhid ailə üzvləri arasında sorğu keçirilib.