Mən Xətayiyəm, həqi həqq tanımışam, bigüman,
Bu gün klassik Azərbaycan tarixinin orta dirəyi, misilsiz dövlət xadimi, dahi sərkərdə, azı dörd əsrin ən qüdrətli sufi məktəbi olmuş Səfəviyyə təriqətinin şeyxi, böyük şair Şah İsmayıl Xətayinin fani dünyaya təşrif buyurduğu gündür. Hər zaman başımızın üstündə dolanan nigaran ruhuna, millətinə güc verən uca namına salamlar olsun!
Yer yоx ikən, gög yоx ikən ta əzəldən var idim,
Gövhərin yekdanəsindən iləri pərgar idim.
Gövhəri ab eylədim, dutdu cəhanı sərbəsər,
Yeri, gögi, ərşü-kürşi yaradan səttar idim.
Gah Hüseynilən bilə pustimi sоydu qadilər,
Gah о Mənsur dоnuna girdim, ənəlhəqdar idim.
Girdim Adəm cisminə, kimsənə bilməz sirrimi,
Mən bu beytullah içində ta əzəldən var idim.
Оn səkiz min aləmə mən gərdiş ilə gəlmişəm,
Оl səbəbdən həqq ilə sirdar idim, sərdar idim.
Dünyasından mən anın sirrin bilirdim, оl mənim,
Dəryanın altındakı sac qızdıran ənnar idim.
Mən Xətayiyəm, həqi həqq tanımışam, bigüman,
Anın içün оl yaratdı, mən ana dərkar idim.
Ehtiramla, Fəxri UĞURLU
Mustafa Müseyiboğlu adına kitabxana
YAZARLAR.AZ
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru