Qaçmışam bu şəhərin boz küçələrindən
Yazmıram daha
Qaçmışam bu şəhərin
Boz küçələrindən,
Silməmişəm ayağımın
Toz izlərini.
Küsmüşəm insanın
Saxta üzündən,
Görməmişəm dindarın
Saf inancını.
Danışsam, çıxaram
Xəlqin düşməni,
Sussam da, olaram
Üz göstərəni.
Yox, dinməyəcəm,
Bəsdir, sən canı,
İnanmıram beləsinə,
Dəhşətdir axı.
Düşmürəm qocaların
İti dilindən:
Heç söz də dinləmir
Bu ağılsız gənc.
Sözlərim onlarçün
Qəpik dəyəri,
Sözləri paslanmış
Dəmir qədəri.
Nəysə, bezdim e,
Yazmıram daha,
Köhnə ədəbiyyatları
Açmıram daha.
Gətirin oradan qələmimi,
Sındırıb, gedirəm,
Baxmıram dala.
Müəllif: Əzizə Əliağayeva
>>>> ƏN ÇOX OXUNAN HEKAYƏ <<<<
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru