8 Mart – Qadının Zəhmətinin, Mübarizəsinin və Ucalığının Bayramı.

Tarixin səhifələrini vərəqlədikcə görürük ki, insanlığın inkişafında qadının rolu sadəcə ailə ilə məhdudlaşmayıb. Qadın həm həyatın başlanğıcı, həm də cəmiyyətin mənəvi dayağı olub. Məhz buna görə də dünyada qadının zəhmətinə, hüquqlarına və cəmiyyətin inkişafındakı roluna diqqət çəkmək üçün Beynəlxalq Qadınlar Günü – 8 Mart xüsusi bir gün kimi qeyd olunur.
Bu günün tarixi XIX əsrin sonu və XX əsrin əvvəllərində qadınların sosial ədalət, əmək hüquqları və bərabərlik uğrunda apardığı mübarizəyə dayanır. Fabrik və müəssisələrdə çalışan qadınlar daha ədalətli əmək şəraiti, daha insani iş saatları və cəmiyyət daxilində layiqli mövqe uğrunda səslərini ucaltdılar. Bu mübarizənin nəticəsi olaraq qadınların haqq səsi dünya miqyasında eşidildi və qadının gücü, əzmi və iradəsi tarixə yeni bir səhifə yazdı.
XX əsrin əvvəllərində Almaniyanın görkəmli ictimai xadimlərindən biri olan Clara Zetkin qadınların hüquqları uğrunda beynəlxalq səviyyədə bir günün təsis edilməsini təklif etdi. Onun təşəbbüsü ilə qadınların həmrəyliyini və hüquqlarını simvolizə edən bu gün sonradan dünyanın bir çox ölkələrində qeyd olunmağa başladı.
Zaman keçdikcə 8 Mart sadəcə hüquq mübarizəsinin deyil, həm də qadının cəmiyyətin bütün sahələrində qazandığı nailiyyətlərin rəmzinə çevrildi. Bu gün qadınlar elm sahəsində böyük kəşflər edir, dövlət idarəçiliyində mühüm qərarlar verir, incəsənətdə bəşəriyyətin ruhunu zənginləşdirir və ailə ocağının ən müqəddəs dayağı kimi həyatın davamlılığını təmin edirlər.
Azərbaycan tarixində də qadın hər zaman yüksək dəyərə malik olub. Azərbaycan qadını həm müdrik ana, həm ziyalı müəllimə, həm də cəmiyyətin inkişafına töhfə verən fəal vətəndaş kimi öz yerini qoruyub saxlayıb. Onun mərhəməti ailəni, zəkası cəmiyyəti, sevgisi isə dünyanı gözəlləşdirən ən böyük qüvvədir.
Qadın – həyatın başlanğıcıdır.
Qadın – sevginin və mərhəmətin mənbəyidir.
Qadın – sabaha aparan ümid işığıdır.
Bu müqəddəs gündə bütün xanımlara sağlamlıq, xoşbəxtlik, sevgi və uğur arzulayıram. Qoy hər bir qadının qəlbi sevinc, həyatı nur və uğurla dolu olsun. Onların varlığı dünyamızı daha gözəl, daha mərhəmətli və daha işıqlı edir.

Zəfər Yolunun şərəfli missiyasını daşıyan, Zəfər Yolu İctimai Birliyinin dəyərli üzvləri olan əziz şəhid analarını, bacılarını, xanımlarını və övladlarını, eləcə də bütün xanımlarımızı Beynəlxalq Qadınlar Günü – 8 Mart münasibətilə ürəkdən təbrik edirik.
Sizlər böyük qəhrəmanlıq tarixinin mənəvi dayağı, səbrin, mərdliyin və Vətən sevgisinin ən uca simvolusunuz. Qoy həyatınız daim sevgi, hörmət, sağlamlıq və qürur hissi ilə dolu olsun. Allah bütün şəhidlərimizə rəhmət eləsin, onların əziz xatirəsi hər zaman qəlbimizdə yaşayacaq.
Bayramınız mübarək olsun, dəyərli xanımlar!

Pərvanə Salmanqızı
Jurnalist, şair-publisist.