Azərbaycanı Zirvələrə Yüksəldən Lider
Zaman göstərdi ki, Azərbaycan Prezidenti cənab İlham Əliyev yalnız dövlət başçısı deyil, həm də xalqın etimadını qazanmış, onun arzularını və iradəsini dünya arenasında ifadə edən liderdir. Onun fəaliyyəti hər addımda ölkənin gələcəyini və beynəlxalq mövqeyini formalaşdırır, hər səfəri isə Azərbaycanın gücünü, strateji baxışını və diplomatik ustalığını göstərir. İlham Əliyevin çıxışları həmişə aydın, səlis və dərin mənalıdır.
2025-ci ilin Çin səfəri bu fəaliyyətin ən parlaq nümunəsi oldu. Aprel ayında Pekində keçirilən yüksək səviyyəli görüşlərdə İlham Əliyev və Çin Xalq Respublikasının Prezidenti Si Cinpin strateji tərəfdaşlıq haqqında birgə bəyanat imzaladılar. Bu addım sadəcə protokol deyildi – Azərbaycan ilə Çin arasında etimad və əməkdaşlığın yeni bir mərhələyə qədəm qoyduğunun simvolu idi. Görüşlərdə enerji, ticarət, nəqliyyat və rəqəmsal iqtisadiyyat sahələrində əməkdaşlıq müzakirə edildi və konkret layihələr üzrə razılaşmalar əldə olundu.
Sentyabr ayında Tiancin şəhərində keçirilən Şanxay Əməkdaşlıq Təşkilatının Sammitində Prezident İlham Əliyev Azərbaycanın regional təhlükəsizlik, iqtisadi inkişaf və nəqliyyat infrastrukturundakı rolunu bir daha nümayiş etdirdi. Onun nitqi qətiyyətli və təsirli idi; Zəngəzur Dəhlizinin açılmasının yalnız Azərbaycan üçün deyil, bütün region üçün yeni imkanlar yaratdığını vurğuladı. Çin tərəfi də onun diplomatik bacarığını yüksək qiymətləndirdi.
Səfərin ən diqqət çəkən məqamlarından biri 3 sentyabr 2025-ci ildə Pekində keçirilən Çin Antifaşist Müharibəsində Qələbənin 80 illiyinə həsr olunmuş hərbi parad idi. Azərbaycan Silahlı Qüvvələrinin nümayəndələrinin iştirakı ilə bu tədbir ölkəmizin beynəlxalq arenadakı mövqeyini nümayiş etdirdi və Prezident İlham Əliyevin strateji düşüncəsinin gücünü ön plana çıxardı.
Prezident İlham Əliyev həmçinin Çin Xalq Respublikasının Prezidenti Si Cinpin ilə görüşərək əməkdaşlığın genişləndirilməsi məsələlərini də müzakirə etdi.
Çinlə əldə olunan uğurlar və imzalanan əməkdaşlıqlar Azərbaycanın beynəlxalq mövqeyini daha da möhkəmləndirdi, milli maraqların qorunmasında və gələcəyin formalaşmasında Prezidentin vizyonunu ön plana çıxardı.
İlham Əliyev göstərdi ki, güclü liderlik yalnız qərar qəbul etmək deyil, həm də xalqın yanında olmaq, onun ümidlərini daşımaq və strateji baxışla ölkəsini irəli aparmaqdır.
Zərifliklə Qüdrəti birləşdirən ölkənin 1- ci Vitse-prezidenti Xanım Mehriban Əliyeva həm də Prezident İlham Əliyevin ən etibarlı silahdaşıdır. Onun dövlət başçısına verdiyi dəstək yalnız ailəvi dəstək deyil – bu, Azərbaycanın siyasi, iqtisadi və mədəni xəritəsinin formalaşmasında strateji bir rol deməkdir. O, səfərlərdə Prezidentin yanında dayanaraq Azərbaycanın müasir, mədəni və güclü obrazını dünyaya nümayiş etdirir. Çin səfəri bu dəstəyin nümunəsi oldu. Pekində keçirilən rəsmi görüşlərdə Mehriban Əliyeva Prezident İlham Əliyevlə birlikdə Çin liderləri Si Cinpin və Peng Liyuan tərəfindən böyük hörmətlə qarşılandı. Böyük Xalq Sarayında keçirilən görüşlərdə və rəsmi mərasimlərdə onun varlığı iki xalq arasında bir qəlb körpüsü oldu. Bu səfərdə imzalanan çoxsaylı müqavilələr, “Bir Kəmər – Bir Yol” təşəbbüsündə Azərbaycanın rolunun möhkəmlənməsi təkcə iqtisadi deyil, həm də diplomatik qələbə idi.
Mehriban Əliyeva həmçinin Tianjin şəhərində keçirilən nahar və gəmi turunda, Çin birinci xanımı Peng Liyuan ilə birlikdə iştirak edərək, mədəni diplomatiyanın səmimi və incə tərəfini göstərdi. O, Çin xalqının qonaqpərvərliyini və dostluğunu öz zərifliyi ilə cavablandırdı, bununla da Azərbaycanın diplomatik səhnədəki yumşaq gücünü daha da möhkəmləndirdi.
Si Cinpin və Peng Liyuan tərəfindən təşkil olunan qəbul və konsertdə iştirakı isə iki ölkə arasında dostluq münasibətlərinin yeni mərhələyə qədəm qoyduğunu simvolizə etdi.
Bütün bunlar onu təkcə Azərbaycanın birinci xanımı deyil, həm də ölkənin yumşaq gücünün memarı edir. Mehriban Əliyeva bir lider kimi dövlətin yanında dayanaraq Prezident İlham Əliyevin siyasətinə dəstək verir, eyni zamanda cəmiyyətin qəlbinə yol tapır.
Bu gün o, Azərbaycanı dünyada həm müasir, həm də dəyərlərinə sadiq bir ölkə kimi təqdim edən əsas fiqurlardan biridir.
Bu səfər Azərbaycanın diplomatik uğurlarının parlaq nümunəsi kimi tarixə düşdü.

Yaşa tarix yazan Lider !
Cənab İlham Əliyev və
Xanım Mehriban Əliyeva !
Millət Sizinlə Qürur duyur !

105 illik tarixi,
75 mindən çox üzvü olan
“Azərbaycan Qadınları
Respublika Cəmiyyəti “İ.B.
sədri Bahar Qasımova