Xalqın Səsi, Dövlətin Qüruru: Polkovnik Cəlil Xəlilovun İşıqlı Yolu

Dövlətə sədaqətlə xidmət edən, xalqın inamını qazanmış, elmin və vətənpərvərliyin mayak kimi parlayan simalarından biri — Cəlil Xəlilov — çağdaş Azərbaycan ziyalılığının, hərbçi-vətənsevər ruhunun və dövlətçilik təfəkkürünün vəhdətini özündə təcəssüm etdirən şəxsiyyətdir.

Siyasi elmlər üzrə fəlsəfə doktoru, Azərbaycan Respublikasının Prezidenti yanında Dövlət İdarəçilik Akademiyasının dosenti, eləcə də Azərbaycan Respublikası Müharibə, Əmək və Silahlı Qüvvələr Veteranları Təşkilatının sədri kimi məsuliyyətli və şərəfli vəzifələr daşıyan polkovnik Cəlil Xəlilov, həyatını millətə, dövlətə, onun gələcək nəsillərinə vətənpərvərlik nümunəsi göstərməyə həsr etmişdir.

Cəlil müəllim yalnız silahın gücünü deyil, elm və ideya silahını da ustalıqla istifadə edən bir vətən oğludur. O, hərbi xidmətlə yanaşı, dövlət idarəçiliyində elmi yanaşmanın, idarəetmə mədəniyyətinin inkişafı yolunda ciddi araşdırmalar aparmış, gələcək idarəçilərə nümunə olmuş bir akademik şəxsiyyətdir. Onun dərs dediyi minlərlə tələbə bu gün müxtəlif sahələrdə ölkəmizə xidmət edir və hər biri üçün Cəlil Xəlilov bir yol göstərici, bir müəllim, bir vətən fədaisidir.

Veteranlar Təşkilatına sədrliyi onun həyatının ayrı bir fəxarət səhifəsidir. Bu vəzifə sadəcə rəsmi bir post deyil — keçmişin şərəfini, vətənin igidlərinin adını yaşatmaq, onların haqq səsini cəmiyyətə çatdırmaq kimi mənəvi bir missiyadır. Cəlil müəllim bu vəzifəni də yüksək məsuliyyətlə daşıyır və veteranlarımızın hüquqlarını, ictimai nüfuzunu qorumaq üçün böyük fədakarlıqla çalışır.

O, Azərbaycan dövlətçiliyinin güclənməsi, milli şüurun inkişafı, gənclərimizin sağlam mənəvi ruhda yetişməsi üçün yorulmadan çalışan nadir ziyalılardandır. Təkcə yazdığı elmi əsərlərlə yox, həm də sakit və təmkinli duruşu, vətənə olan sonsuz bağlılığı ilə cəmiyyətə örnək olmuş bir insandır.

Polkovnik rütbəsi ilə sinəsində daşıdığı hər bir medalın arxasında fədakarlıq, sədaqət, cəsarət və ən əsası xalq sevgisi dayanır.

Bu gün Cəlil Xəlilovun timsalında biz yalnız bir alimi, bir hərbçini deyil, xalqın güvəndiyi bir daşı, dövlətin bel bağladığı bir dirəyi görürük.

Allah onu qorusun. Xidmətləri daim ucalarda olsun. Onun kimi şəxsiyyətlər yaşadıqca, Azərbaycan daha da güclü, daha da inamlı olacaq!

Hörmətlə: Pərvanə Salmanqızı