Sükutuyla ilham alar şairlər
“Həsrətindən” – rəssam: Nərmin İsmayılova
ADMİU-nun rəssamlıq fakültəsinin 4-cü kurs tələbəsi
Şairlər
Bu dünyada həm sevincə, həm qəmə,
Qulaq asıb şeir yazar şairlər.
Göy üzündən yerə ensə xəyallar,
Sükutuyla ilham alar şairlər.
Dəniz öpər sahillərin alnını,
Sahil duyar suların hər anını.
Ulduzlardan alıb eşqin canını,
Zülmətə bir işıq salar şairlər.
Hər dalğada bir ömürlük xatirə,
Ayna sular nur çiləyir hər yerə.
Baxıb batan günəşdəki təsvirə,
Əbədi bir mənzıl tapar şairlər.
20.04.2026
Xəzərim
Necə gözəl pıçıldaşar ləpələr,
Quma sevinc, sahilə nur səpələr.
Günəş hər gün aynasında dincələr,
Qızıl rəngli xalı toxur Xəzərim.
Qızılı bir gülüş qonar sulara,
Ümid verər uzaqlara, yollara.
Sanki açar qucağını ruhlara,
Yorğun ruhu sığallayar Xəzərim.
Yelkən açar arzuların gəmisi,
Kəsilməz bu dalğaların nəğməsi.
Mavi eşqin, xoşbəxtliyin töhfəsi,
Dalğasıyla rəsm çəkər Xəzərim.
27.04.2026
Müəllif: D.Mirzə
Oxuyun >> Gözündə tük var
Zaur Ustacın şeirləri haqqında