UNEC İnklüziv Təhsil Mərkəzinin direktoru Sevinc Məhsimova – Təhsildə bərabərlik və fürsətlərin ilhamverici siması

Azərbaycan Respublikasının İqtisadiyyat Universiteti (UNEC) nəzdində fəaliyyət göstərən İnklüziv Təhsil Mərkəzi, bu gün inklüziv və əlçatan təhsilin inkişafında mühüm rol oynayır. Mərkəzin direktoru Sevinc Məhsimova öz peşəkar fəaliyyəti, humanist yanaşması və prinsipial mövqeyi ilə cəmiyyətimizdə təhsil bərabərliyinin təmin olunmasına misilsiz töhfələr verir.

Sevinc xanımın rəhbərliyi ilə mərkəzin əsas məqsədi – fiziki, eşitmə, görmə və digər növ məhdudiyyətləri olan tələbələrə keyfiyyətli və şəffaf təhsil imkanlarının yaradılması olmuşdur. Onun təşəbbüsü ilə UNEC-də müasir texnologiyalarla təchiz olunmuş tədris mühiti yaradılıb, individual təhsil planları hazırlanıb və inklüzivlik prinsiplərinə uyğunlaşdırılmış tədris metodları tətbiq olunmağa başlanıb.

Sevinc Məhsimova təkcə təşkilati işlərlə kifayətlənməyib, inklüziv təhsilin ictimaiyyət arasında təbliği, bu sahədə maarifləndirmə işlərinin aparılması və beynəlxalq təcrübənin öyrənilib tətbiqi istiqamətində də bir sıra uğurlu layihələrə imza atıb. Onun təşəbbüsü ilə keçirilən seminarlar, konfranslar və sosial layihələr UNEC-də və ümumilikdə Azərbaycanda inklüziv təhsilin daha da inkişaf etməsinə şərait yaradıb.

Eyni zamanda Sevinc xanım tələbələr arasında insan hüquqları, tolerantlıq və empatiya kimi dəyərlərin təşviqində də mühüm rol oynayır. O, inklüziv təhsili sadəcə bir sosial məsuliyyət kimi deyil, insan potensialının tam şəkildə reallaşması üçün zəruri olan bir dəyər kimi təqdim edir.

Sevinc Məhsimovanın təhsildəki fəaliyyəti, onun prinsipiallığı, sosial həssaslığı və təşəbbüskarlığı onu bu sahənin qabaqcıl simalarından birinə çevirib. UNEC-də inklüziv təhsilin möhkəmlənməsində göstərdiyi xidmətlər gələcək nəsillər üçün ilhamverici nümunə olaraq qalacaq.

Təhsil hər kəs üçündür – Sevinc Məhsimova bu şüarı yalnız dilə gətirmir, onu hər gün öz fəaliyyəti ilə gerçəkləşdirir.

PƏRVANƏ SALMANQIZI ABDULLAYEVA