ДОСЛЫҚТЫҢ КИТАБЫ ОҢ БОЛСЫН ДОСЛАР
ДОСЛЫҚТЫҢ КИТАБЫ ОҢ БОЛСЫН ДОСЛАР
Қандай қуўанышлы жақсылық хабар,
Еситип мәз – мәйрам кеўил ҳәз табар.
Еки ел жүреги теңдейин соғар,
Дослық китабыңыз оң болсын дослар!…
Қыяслап шайырлар түнниң жулдызын,
Мәпелеп өсирген мудам ул – қызын.
Қушақ ашқан, Қарақалпақ, Қырғызым,
Дослық китабыңыз оң болсын дослар!…
Сағынысып қушақласып көрискен,
Қаратаў, Алатаў сәлем берискен.
Көпир салып көп нәрсеге ерискен.
Дослық китабыңыз оң болсын дослар!…
Шайыр жазып Қарақалпақ елинде,
Илҳәм йошы тасқынлаған бәринде.
Китабы басылған Ош шәҳәринде,
Дослық китабыңыз оң болсын дослар!…
Досларда мудамы сақланған опа,
,, Дослық – көпири ” не берилди баҳа.
Саў саламат жүриң Қундузбу апа!..
Дослық китабыңыз оң болсын дослар!…
,, Алақа” ның шығып Қырғыз фондынан,
Бир әжеп китапдур көрмеген көрсин.
Миннетдарман еки елдиң халқынан,
Дослықтың байрағы желбирей берсин!
YAZAR: BİBİMƏRYƏM
Oxuyun >> Gözündə tük var
Zaur Ustacın şeirləri haqqında