ZÜLEYXA MAŞƏRİFOVANIN KİTABI AZƏRBAYCAN DİLİNDƏ
ZÜLEYXA MAŞƏRİFOVANIN KİTABI AZƏRBAYCAN DİLİNDƏ
Məşhur Özbək yazıçısı ilk dəfədir Azərbaycanda çap olunur
Məşhur Özbək yazıçısı Züleyxa Maşərifovanın kriminal-dedektiv janrda qələmə aldığı “İntiqam hissi” romanı Azərbaycanda “İmza nəşrlər evi” nəşriyyat-poliqrafiya müəssisəsi tərəfindən nəşr olunub. Bu, yazıçının Azərbaycanda nəşr olunan ilk kitabıdır.
384 səhifəlik kitab nəfis tərtibatla çapdan çıxıb.
Züleyxa Maşərifova 1956-cı ildə Özbəkistanın Xarəzm vilayəti, Xəzərasp rayonunda anadan olub. 1975 – 1980-ci illərdə Daşkənd Dövlət Universitetinin Hüquq fakültəsində təhsil alıb. Uzun illər vəkil və hakim kimi çalışıb.
Özbəkistanda “Damğa”, “And”, “Qisas qoxusu”, “Dəhşətli evlilik”, “Dəli qadın söhbəti”, “Hər şeyin səbəbkarı anam”, “Etiraf edilən günah”, “Xəta”, “Maska”, Türkiyədə “Kabul edilen suç” adlı detektiv kitabları çap edilib.
Kriminal-dedektiv romanı Azərbaycan dilinə tərcüməçi Rəhmət Babacan tərcümə edib. Kitab yazıçı Əli bəy Azərinin redaktorluğu ilə hazırlanıb.
Oxuyun >> Gözündə tük var