VƏTƏNİM AZƏRBAYCAN, BAYRAMIN MÜBARƏK OLSUN!
9 Noyabr — Dövlət Bayrağı Günü

Bayraq… yalnız bir parça parça deyil. O, bir millətin ruhudur. O, tarix boyu əsarətə boyun əyməyən xalqın azadlıq nidasıdır. Azərbaycanın üçrəngli ay-ulduzlu bayrağı – bizim varlığımızın, kimliyimizin ən uca ifadəsidir.

Bu bayraq ilk dəfə 1918-ci ildə Şərqin ilk demokratik respublikasının — Azərbaycan Xalq Cümhuriyyətinin qərarı ilə ucaldıldı. Bu, təkcə bir bayrağın yaranması deyildi… Bu, azadlıq düşüncəsinin, milli oyanışın, bütöv bir xalqın taleyində yeni bir səhifənin yazılması idi.

Bayrağımızın mənasında gizlənən böyük həqiqət:

🔹 Mavi — min illərin şahidi olan türk kökümüz, millət olaraq gücümüz.
🟩 Yaşıl — mənəvi dayağımız, İslam dəyərlərimiz, ruhumuzu saflaşdıran əqidəmiz.
🔴 Qırmızı — müasir dünyaya addım atan, inkişaf və tərəqqiyə can atan Azərbaycan!

Ay və ulduz isə: Qaranlıqdan işığa çıxışımızın, Əbədi dövlətçilik idealımızın, Sarsılmaz müstəqilliyimizin rəmzidir.

Bu bayraq zaman-zaman qadağalara, təzyiqlərə tuş gəldi… Amma heç bir güc onu xalqın yaddaşından, qəlbindən silə bilmədi. Çünki biz bu bayrağı qanımızla, mübarizəmizlə, şəhidlərimizin canı ilə ucaltdıq.

1991-ci ildə dövlət müstəqilliyimiz yenidən bərpa olunduqda, ilk qaldırılan məhz bu bayraq oldu. O gündən etibarən:

Harada bir azərbaycanlı varsa, orada bu bayraq dalğalanır.
Harada bu bayraq varsa, orada Azərbaycan nəfəs alır.

Zəfər dolu 44 günlük Vətən müharibəsində isə bayrağımız Qarabağın zirvələrinə, Şuşanın Göy Qalasına, Vətən torpaqlarının hər qarışına başımızdan uca sancıldı!
Bu bayraq Şəhidlərimizin tabutuna bükülərək müqəddəsliyə yüksəldi…
Qazilərimizin sinəsində şərəf nişanına çevrildi…
Xalqımızın qəlbində qürur, güc, birliyimizə inam oldu!

O bayraq ki, bu gün azad Qarabağ səmasında dalğalanır — bu, milli iradəmizin və əbədi zəfərimizin ən uca dəlilidir.

Bayrağımız ucaldıqca Azərbaycan ucalır!
Azərbaycan ucaldıqca bayrağımız daha gur dalğalanır!

Bu gün hər birimiz qəlbimizdə bayraq daşıyırıq:
— Birliyi ilə möhkəm olan millət,
— Qanıyla tarix yazan igidlər,
— Vətəninə sevdalı nəsillər olaraq!

Yaşasın üçrəngli, ay-ulduzlu Azərbaycan Bayrağı!
Yaşasın müstəqil Azərbaycan Dövləti!
Uca olsun Vətənimizin adı — Azərbaycan!

ÜÇ RƏNGLİ BAYRAQ!

Salam günəşli səhər,
Salam ana vətən,
Salam mavi Xəzərin,
Dalğasında canlanan.

Zəfərlərdən doğan,
Zəfər gətirən,
Qəhrəmanların başı üstə,
Zirvələrdə dalğalanan.

Qürurum,and yerim,
Canımdan çox sevdiyim,
Şanım, şöhrətim,
Üç Rəngli Bayraq!
15.06.2021

Dərin ehtiram və qürurla
Pərvanə Salmanqızı.