ZƏFƏR NƏĞMƏSİ
ZƏFƏR NƏĞMƏSİ
8 noyabr Zəfər günü
Əzizdir Vətənin hər bir obası,
Düzləri, çölləri, hündür qayası.
Torpağın üstündə kəndlər, şəhərlər,
Yurdu qorumağa vardır ərənlər.
Torpaqlar neçə il əsirtək qaldı,
Köçkünlər hər yerdə məskənlər saldı.
İllərlə pozuldu kef-əhvalımız,
Ağrı-acılara dözdü xalqımız.
Şükr Azərbaycan qalxdı ayağa,
Yerini göstərdi yersiz qonağa.
Qovdu düşmənləri, səs-səda saldı,
Zəfər nəğməsini ürəklə çaldı.
Əsir torpaqları geriyə aldıq,
Düşmən üzərində qələbə çaldıq.
Şəhid ruhları da rahat dolaşır,
Bu oğuz yurduna zəfər yaraşır.
Dünya özü mat qalıbdır bu işə,
Sıldırım qayadan alınıb Şuşa.
Oğuz kökündəndir onların qanı,
Vətənçün verərlər hər biri canı.
,,YAŞMA”-nın sorağı yayılıb elə,
Hər cəsur oğulu düşübdür dilə.
Onlar bu zəfəri qanla aldılar,
Şəhid anaları göynəyir hələ.
Cəngi sədaları yayılsın elə,
Gözəl Şuşamızda himn çalınsın.
Daha göz yaşları bir də axmasın,
Doğmaların ürəyini yaxmasın.
Tarix yazan oğulları var olsun,
Şəhidləri Cənnətində uyusun.
Çiçəklənsin gündən-günə bu Vətən,
Xain əllər qoy dibindən qurusun.
Qorqud nəsihəti gəlir yaddaşa,
İndi torpaqları əkək, becərək.
Vətəni qoruyaq xain gözlərdən,
Heç zaman düşmənə aman verməyək.
Şərqin günəşisən can Azərbaycan,
Türk -türkə can deyib qoy eşitsin can.
Dağ kimi söykənin biri-birinizə,
İndi də güclənsin o Böyük Turan.
Müəllif: Həqiqət ŞAMİLLİ