AKİF MİRSİYAB OĞLU HÜSEYNOV

1958 – ci ildə Xocalıda anadan olmub. 1965 – 1975 – ci illərdə Xocalı kənd orta məktəbində təhsil alıb. 1976 – cı ildə Ağdamda aldığı peşə təhsili üzrə, beşinci dərəcəli dülgər kimi Xocalı üzümçülük sovxozunda və 4 saylı səyyar mexanikləşdirmə dəstəsinin tərkibində çalışıb. 1977 – 1979 – cu illərdə Ukraynada daxili qoşunlarda həqiqi hərbi xidmətdə olub. 1979 – cu ilin noyabrından DİO – da xidmətə başlayıb. 1979 – 1985 – ci illərdə Xankəndi şəhər daxili işlər şöbəsində xidmət keçmiş, 1985 -1987 – ci illərdə Bakı Xüsusi Orta Milis Məktəbinin əyani şöbəsində təhsil almışdır. 1987 – 1994 – cü illərdə Ağdam rayon milis – polis şöbəsində xidmət keçib. 1994 – 1997 – ci illərdə Bakı şəhəri Nizami RPİ – də, AR DİN Baş Cinayət Axtarış İdarəsində xidmətini davam etdirmiş, Polis Akademiyasının qiyabi şöbəsini bitirmişdir. 1997 – 1999- cu illərdə Dəvəçi – Şabran rayon polis şöbəsində əvvəlcə əməliyyat işləri üzrə rəis müavini, daha sonra isə rəis əvəzi kimi xidmət etmişdir. 1999 – 2004 – cü illərdə Siyəzən polisinə rəhbərlik edib. 2004 – 2011 – ci illərdə NBPİ – nin Su Nəqliyyatında polis idarəsinin rəis müavini, 2011 – 2017 – ci illərdə NBPİ – nin Cinayət Axtarış İdarəsinə rəhbərlik etmişdir.
Qarabağ müharibəsi veteranı, istefada olan polis polkovnikidir. Ailəlidir, 3 övladı, 6 nəvəsi var.
Heç bir partiyanın üzvü olmayıb, hal-hazırda partiya mənsubiyyəti yoxdur.