Aynur Qafarlı – ÖLDÜRƏRƏM SƏNİ
ÖLDÜRƏRƏM SƏNİ
(zarafatyana)
Qaynamasın gözün-başın,
Durub öldürərəm səni.
Haqq-ədalət məhkəməsi
Qurub, öldürərəm səni.
Axşamları, sabahları
Çəkdirərəm mən ahları.
Etmədiyin günahları
Sorub, öldürərəm səni.
Əsəb versən mənə birdən,
Dərin olar hirsim Kürdən.
Başını düz əlli yerdən
Yarıb, öldürərəm səni.
Heç bilirsən neyləyərəm? –
Ürəyini teyləyərəm,
Əsir-yesir eyləyərəm,
Yorub öldürərəm səni.
Bircə addım atsan geri,
Yandıraram diri-diri.
Qəlbindəki ümidləri
Qırıb, öldürərəm səni.
Mindirmə ha, cin atına,
Son qoyaram həyatına.
Baxsan başqa bir qadına,
Vurub öldürərəm səni.
Müəllif: Aynur Qafarlı
>>>> ƏN ÇOX OXUNAN HEKAYƏ <<<<
Mustafa Müseyiboğlu adına kitabxana
===============================================
<<<< WWW.YAZARLAR.AZ və WWW.USTAC.AZ >>>>
Əlaqə: Tel: (+994) 70-390-39-93 E-mail: zauryazar@mail.ru