Milli Mətbuat Günü münasibətilə həmkar dostlarıma

Qələm sahibinin səsi millətin vicdanıdır. Sözün gücünü haqqın tərəfinə çevirən, işığın izinə düşüb qaranlıqları aydınlatmağa çalışan bütün dəyərli mətbuat nümayəndələrini – əziz həmkarlarımı 22 İyul Milli Mətbuat Günü münasibətilə qəlbən təbrik edirəm.

Bu müqəddəs yol – qələminin məsuliyyətini daşıyanların, cəmiyyətə güzgü tutanların, millətin dərdinə, sevincinə bələd olanların yoludur. Sizlər gündəlik həyatın təlatümündə sözün ədalətini qoruyursunuz – susmayan vicdan, danışan gerçəklik kimi…

Ən çətin zamanlarda da gerçəyə sadiq qalan, haqqın carçısı olan, qələmindən nur süzülən bütün mətbuat əhli – sizinlə qürur duyuram!

Qoy sözünüz daim kəlam olsun, işığınız heç zaman sönməsin! Ədalətin, haqqın, doğrunun yanında olan bütün qələm sahiblərinə ruhən güc, qələminizə müdriklik, yolunuza nur arzulayıram!

Milli mətbuatımız yaşasın – sözə sədaqətlə yaşayanlarla!

Hörmət və sevgi ilə,
Pərvanə Salmanqızı