Şabran, 7 avqust (AZƏRTAC). Şabranda cari ilin məhsulu üçün 13 min 133 hektar sahədə taxıl yetişdirilmişdir. Bunun 5 min 224 hektarı arpa, 7 min 904 hektarı buğda zəmiləridir.

Rayon icra hakimiyyətinin aqrar məsələlər şöbəsindən AZƏRTAC-a bildirmişlər ki, təsərrüfatlarda taxıl biçini uğurla başa çatdırılmışdır. Torpaq mülkiyyətçiləri 27 min 744 ton taxıl tədarük etmişlər. Məhsulun 16 min 360 tonu buğda, 11 min 384 tonu arpadır. Hər hektardan 21,1 sentner taxıl yığılmışdır.