Lənkəran Dövlət Dram Teatrının artisti, tanınmış teatr və kino aktyoru Əlibala Əfsər oğlu Əsgərov vəfat edib.

Zefernews.az xəbər verir ki,

Əlibala Əsgərov uzun sürən xəstəlikdən sonra 2024-cü il iyunun 12-si gecə saatlarında vəfat edib.

Qeyd edək ki,
Əlibala Əsgərov 1955-ci il yanvarın 28-i Sumqayıt şəhərində anadan olub. Orta təhsilini bitirdikdən sonra Sumqayıt şəhər Mədəniyyət evində əmək fəaliyyətinə başlayıb.

1975-ci ildən Lənkəran Dövlət Dram Teatrının aktyorudur. Bu teatrın səhnəsində 100-dən çox tamaşada müxtəlif səpkili rollar canlandırıb.

Teatr fəaliyyəti ilə yanaşı kino aktyoru kimi də fəaliyyət göstərib, onlarla kino və seriallarda müxtəlif obrazlar canlandırıb.