Lənkəran Mərkəzləşdirilmiş Kitabxana Sistemində Azərbaycan bəstəkarı, tanınmış dirijor və pedaqoq, respublika Dövlət mükafatı laureatı, Xalq artisti Süleyman Əyyub oğlu Ələsgərovun anadan olmasının 100 illiyinə həsr olunmuş təntənəli tədbir keçirilib.

Zefernews.az xəbər verir ki,

Tədbiri giriş sözü ilə Lənkəran Mərkəzləşdirilmiş Kitabxana Sisteminin Direktor v.m.i.e Arzu Rufullayeva Bəstəkar Süleyman Ələsgərovun həyat və yaradıcılığ fəaliyyətindən danışıb.

Sonra çıxış edən Lənkəran-Astara Regional Mədəniyyət İdarəsinin məsləhətçisi Urşan Əliyev Lənkəran-Astara Regional Mədəniyyət İdarəsinin rəisi Bəxtiyar Qılıncovun tədbir iştirakçılarına salamlarını çatdıraraq tədbirin ərsəyə gəlməsində əməyi olan təşkilatçılara təşəkkürünü bildirib.

Daha sonra Azərbaycan Bəstəkarlar İttifaqının üzvü, Bəstəkar-Musiqişunas Zəminə Tariyelqızı, Lənkəran MKS-in əməkdaşı Habil Axundov, Tanınmış Xanəndə MirƏhməd Kərimov çıxış edərək Bildiriblər ki, S.Ələsgərovu dahi Ü.Hacıbəyovun ən layiqli davamçılarından hesab edirik. O, həm bəstəkarlıqda, həm insanlıqda, xeyirxahlıqda Ü.Hacıbəyov çox yüksək keyfiyyətlərə malik kimi idi. Hamı onu Vətəninə, torpağına, elinə bağlı bir insan kimi tanıyırdı. Onda azərbaycançılıq hissi güclü idi. S. Ələsgərovun Şuşaya həsr etdiyi “Gözlə məni” romansını dinləyərkən bu hisslər apaydın duyulur.
S.Ələsgərov Azərbaycan bəstəkarlıq məktəbinin ünlü nümayəndəsi olmaqla yanaşı, həm də gözəl pedaqoq idi. O, istedadlı tələbəni xəzinə hesab edirdi.
Mərhum sənətkar hazırda musiqi sahəsində fəaliyyət göstərən yüzlərlə ifaçı və bəstəkarın yetişməsində əhəmiyyətli işlər görüb. Bu gün onun yetirmələri Azərbaycan musiqisini dünyada tanıdırlar.” deyə qeyd ediblər.

Tədbirin bədii hissəsi LDU-nəzdində Sosial və Aqrar-Texnoloji Kollecin Musiqi ixtisasının tələbələri və Həqiqət Rzayeva adına Lənkəran Şəhər 2 nömrəli uşaq musiqi məktəbinin müəllim, şagirdlərinin ifasında Bəstəkar Süleyman Ələsgərovun bəstələdiyi əsərlər səsləndirilib.

Sonda Bəstəkar Süleyman Ələsgərovun anadan olmasının 100 illiyinə həsr olunmuş tədbirdə fəal iştirakına görə bir qrup şəxsə Fəxri Fərman təqdim olunub.

Xatirə şəkli çəkdirilib.