Fevralın 15-də Azərbaycan Mədəniyyət İşçiləri Həmkarlar İttifaqının Masallı rayon komitəsinin təşəbbüsü və dəstəyi ilə komitə sədri Vəkil İsmailov və bir qrup rəhbər vəzifəli mədəniyyət işçisi rayonun Ərəb kəndində Vətən müharibəsi şəhidi Cəbrayıl Baloğlan oğlu Qasımovun ailəsini ziyarət edib.

Zefernews.az xəbər verir ki,

Ailə üzvləri ilə görüşdə kövrək xatirələr yad edilib, şəhidin ruhuna dərin ehtiram ifadə olunub. Qonaqlar həmçinin, ailənin qayğı və ehtiyacları ilə maraqlanıblar.

Sonra sözügedən yerli həmkarlar komitəsi tərəfindən ailə üzvlərinə yardım bağlamaları təqdim olunub.

Qeyd edək ki, şəhid Cəbrayıl Qasımovun anası Masallı şəhər Onbirillik İncəsənət Məktəbində çalışır.