Lerik rayon Heydər Əliyev Mərkəzinin və Uşaq-Gənclər İnkişaf Mərkəzinin birgə təşkilatçılığı ilə Ulu Öndər Heydər Əliyevin anadan olmasının 100-cü ildönümü münasibətilə gənclər arasında intellektual bilik yarışı keçirilib.

Zefernews.az xəbər verir ki,

Lerik rayon Heydər Əliyev Mərkəzində baş tutan bilik yarışı maraqlı və gərgin mübarizə şəraitində davam edib.

Müasir Azərbaycan dövlətinin memarı və qurucusu Ulu Öndər Heydər Əliyevin zəngin siyasi irsi barədə səsləndirilən suallar konadalar tərəfindən dolğun şəkildə cavablandırılıb, qaliblər növbəti mərhələdə iştirak hüququ qazanıblar.

Yekunda tədbirdə çıxış edən natiqlər Ümummilli Lider Heydər Əliyevin müstəqil Azərbaycan dövlətinin qurulması, müstəqilliyinin qorunub saxlanılması istiqamətində fəaliyyətindən bəhs ediblər.

Qeyd edək ki, yarışların keçirilməsində məqsəd gənclərin asudə vaxtlarının səmərəli təşkili, həmçinin bilik və bacarıqlarının o cümlədən məntiqi düşüncə və dünyagörüşlərinin inkişafına nail olmaları üçün imkan yaratmaqdır.